მაინდფულნესი დამწყებთათვის

ჩვენ ვცხოვრობთ საკმაოდ სტრესულ პერიოდში, ბევრი ჩვენგანი, ყოველდღიურ ვალდებულებებსა და ჩვენი კულტურის სწრაფ ტემპში, ადვილად ვკარგავთ კავშირს საკუთარ თავთან და იმასთან, რაც ყველაზე მნიშვნელოვანია ჩვენთვის. ჩვენ არ ვართ აწმყოში, ამ მომენტში, სადაც ჩვენი ცხოვრება რეალურად ხდება. ჩვენი კურსის პირველ დღეს ჩვენ დავიწყებთ პაუზით, რომელიც გვაძლევს საშუალებას შევჩერდეთ და ცნობიერად დავბრუნდეთ აწმყოში, დავბრუნდეთ საკუთარ თავთან.

პირველ დღეს ჩვენ გამოვიკვლიეთ აწმყოში დაბრუნება პაუზის საშუალებით. დღეს ჩვენ ამ პროცესს გავაღრმავებთ სხეულის ცნობიერი მოდუნებით. როდესაც იღებ პაუზას და აძლევ შენს სხეულს უფლებას მოდუნდეს, აღმოაჩენ, რომ შენი გონებაც მიყვება მას.

თუ დავაკვირდებით ჩვენს ყოველდღიურ ცხოვრებას, დავინახავთ, რომ უმეტეს დროს ვატარებთ დარდში, გეგემებში, წუხილში - ჩვენ ვართ ყველგან, გარდა აწმყოსა. წინა დღის მაინდფულნესის სავარჯიშოებში ჩვენ ვისწავლეთ აწმყოში დაბრუნება, პაუზა, შეგრძნება იმისა თუ როგორ სუნთქავს შენი სხეული, სხეულის ცნობიერი მოდუნება და მომენტიდან მომენტამდე ყოფნის გამოცდილება. დღევანდელ პრაქტიკაში შენ ისწავლი თუ როგორ უნდა გააღრმაო აწმყოში ყოფნა შენი შეგრძნებების გამოღვიძებით.

დღეს ვისაუბროთ იმაზე, თუ რატომ ხდება ის რომ მაინდფულნესის პრაქტიკა ზოგიერთი ადამიანისთვის სასარგებლო და სასიამოვნო გამოცდილებაა, ზოგი კი განიცდის წინააღმდეგობას და იმედგაცრუებას. და ჩვენ გამოვიკვლევთ ერთად თუ რამდენად მნიშვნელოვანი და წამყვანია მეგორული დამოკიდებულება შენი გამოცდილების მიმართ, მაინდფულნესის პრაქტიკაში.

დღეს ჩვენ გავამახვილებთ ყურადღებას ყველაზე უნივერსალურ პრაქტიკაზე - გაცნობიერებულ სუნთქვაზე. გაცნობიერებული სუნთქვა გვეხმარება დამშვიდებაში და ავითარებს ჩვენს უნარს, ფოკუსირება მოვახდინოთ იმაზე, რასაც ვაკეთებთ მოცემულ მომენტში.

ცხოვრების ძვირფასი მომენტები, ბევრად უფრო თვალსაჩინო და ხელმისაწვდომია, როდესაც ხარ მშვიდ და ცნობიერ თანდასწრებაში. დღეს ჩვენ გავაგრძელებთ გაცნობიერებული სუნთქვის პრაქტიკას და დავიწყებთ იმ უნარების გამომუშავებას, რომელიც აუცილებელია აწმყოში დასარჩენად - ეს არის გონების დაბალანსების და დამშვიდების უნარი.

გაცნობიერებული სუნთქვის პრაქტიკისას შენიშნავდი რომ სუნთქვა იცვლება მრავალმხრივ: ზოგჯერ ის სწრაფია, ზოგჯერ ნელია, ის იცვლება ჩვენს ფიქრებთან და გრძნობებთან ერთად. დღეს გავეცნობით კიდევ ერთ ინსტრუმენტს, რომელიც კიდევ უფრო დაგეხმარება გაცნობიერებული სუნთქვის პრატიკაში. ეს არის სუნთქვის დათვლა, რომელიც არის გზა უწყვეტი ფოკუსირებისკენ სუნთქვაზე.

დღევანდელი პრაქტიკისთვის ჩვენ დავეყრდნობით ინსტრუმენტებს, რომლებიც ვისწავლეთ წინა სესიებში, და გავაღრმავებთ ყურადღბის ფოკუსირებას სუნთქვის ნაკადის თითოეული ფაზის დაკვირვებით.

მომდევნი ხუთი დღის განმავლობაში, სუნთქვა ისევ დარჩება ჩვენს ძირითად ინსტრუმენტად აწმყოში დასაბრუნებლად და ასევე გავაფართოვებთ ჩვენი ცხადგრძნობის გამოცდილებას, სხეულში შეგრძნებების უფრო სიღრმისეულად შესწავლით - პირდაპირი, არა განმსჯადი გზით.

როდესაც ჩვენ არ გვაქვს სრულფასოვანი კავშირი სხეულთან და მის შეგრძნებებთან, ამას თან სდევს შესაბამისი შედეგები: ჩვენ ვერ ვახერხებთ ჩვენი სხეულის ინტელექტის ათვისებას, რომელიც საშუალებას გვაძლევს ვიცოდეთ, თუ როგორ ვიზრუნოთ საკუთარ თავზე. წინა სესიაზე ჩვენ დავიწყეთ სხეულის შეგრძნებების დაკვირვება და მათი შესწავლა შიგნიდან - გარეთ. დღეს ჩვენ კიდევ უფრო სიღრმისეულად დავუკვირდებით და გამოვიკვლეთ იმ ნაწილებს სადაც შეგრძნებები მკაფიო და მარტივად ხელმისაწვდომია, და იმ ნაწილებს სადაც შეგრძნებებთან წვდომა გვიჭრს, რაც საშუალებას მოგვცემს, დავამყაროთ უფრო სიღრმისეული კავშირი ჩვენს სხეულთან.

სხეულის ცხადგრძნობა პირდაპირ ნიშნავს ცხოვრების ცხადგრძნობას, და ამისთვის არსებობს ძალიან მარტივი მიზეზი - ჩვენი სხეული ყოველთვის ცხოვრობს აწმყოში, აქ და ახლა. დღევანდელი პრაქტიკა - ,,სხეულის სკანირება’’ დაგეხმარება დაიბრუნო სიღრმისეული სიმშვიდე გონებასა და სხეულში და შეიგრძნო ცხოვრება მეტი სისავსით.

სხეულის შერძნებების ცხადგრძნობის გასაძლიერებლად მძლავრი ინსტრუმენტია იმ კონკრეტული შეგრძნებების აღნიშვნა ან დასახელება, რომელსაც შევიგრძნობ მოცემულ მომენტში. ეს მარტივი ინსტრუმენტი გვეხმარება არა მხოლო ყურადღების ფოკუსრებაში, ის რეალურად გვეხმარება უფრო მეტი ბალანსითა და სიმშვიდით, მოწმენი გავხდეთ იმისა თუ რა ხდება ჩვენში.

ბოლო რამდენიმე სესიის განმავლობაში შეგრძნებეზე ორიენტირებული პრაქტიკების დროს, შესაძლოა წააწყდი ტკივილს ან დისკომფორტს. ჩვენი კურსის დასასრულს ჩვენ გამოვიკვლევთ თუ როგორ გვეხმარება მაინდფულნესის პრაქტიკა ფიზიკურ ტკივილთან და დისკომფორტთან მიმართებაში.