მაინდფულნესი დამწყებთათვის

მაინდფულნესის ეს მოკლე კურსი დაგეხმარება მედიტაციის პრაქტიკის დაწყებში და მაინდფულნესის დანერგვაში შენს ყოველდღიურ ცხოვრებაში. ყოველი დღის 10-15 წუთიანი გაკვეთილი, მოიცავს მოკლე საუბარს და მედიტაციას, სადაც გაგაცნობ იმ ძირითად უნარებს, რომლებიც დაგჭირდება, როგორც საფუძველი მაინდფულნესის პრაქტიკის დაწყებისთვის. ათწლეულების განმავლობაში ჩატარებულმა მეცნიერულმა და კლინიკურმა კვლევებმა აჩვენა, რომ მაინდფულნესის პრაქტიკას შეუძლია ძლიერად და დადებითად იმოქმედოს ჩვენს ფიზიკურ ჯანმრთელობაზე, ემოციურ მდგრადობაზე, გონებრივ სიცხადესა და ცხოვრებით ტკბობაზე. მაინდფულნესის პრაქტიკის მიზანია ვიყოთ უფრო ცნობიერები, უფრო დაკავშირებულნი ცხოვრებასთან, უფრო მეტად დაკავშირებულნი იმასთან, რაც ხდება ჩვენს სხეულში, გონებაში და გარემოში - ახლანდელ მომენტში. როდესაც გვიპყრობს არასახარბიელო ფიქრები ან გრძნობები, ან ფიზიკურ ტკივილს განვიცდით, ძირითადად ჩვენ გვძლევს ცდუნება, რაც შეიძლება სწრაფად თავი დავაღწიოთ ამ უსიამოვნო გამოცდილებას. მაინდფულნესი კი გვასწავლის დავინახოთ და მივიღოთ ის რაც ამ მომენტში უკვე ხდება რაც შეიძლება ნათლად და ცხადად, რაც გვეხმარება ვიყოთ უფრო ღია ცხოვრებისეული გამოცდილებებისთვის და გვეხმარება სათანადოდ გავუმკლავდეთ ნებისმიერ სიტუაციას, რომელიც თავს იჩენს აქ და ახლა.